١٥ شغلة بتصير لما تقرر تعمل رجيم

شي مرة بلشت دايت وإنهارت الدنية؟ شوفوا هال ١٥ شغلة يلي بتصير أول ما تقرر إنو تبلش دايت:

ركزولي على رقم 12 ههه

١. بيفتح البلد فجأة، وبتبلش الضهرات والعشوات بأطيب مطاعم.

٢. امك يلي طول عمرها ماكسيموم  بتطبخ مجدرة بتعمل لازانيا

٣. بيعمل ماكدو  عرض مثالي

٤. أهلك يلي بعمرهن ما عنالهن العيد بجيبوا علب معمول.

٥. الgym بغلي وبصير بده يسعر بالدولار

٦. أبوك بروح على سبينس وبجيب كل شي في بزورات وشيبس

٧. بيبرد الطقس وبتبلش العواصف والنفسيه بتطلب hot chocolate

٨. مديرك البخيل بيعزمك عالعشا

٩. بينهار الاقتصاد وبتصير السلطة ب-٣٠،٠٠٠ ليرة

١٠. امك يلي بحياتها ما كان إلها خلق الطبخ بتعمل بيتزا وفطاير ورقاقات وغاتو

١١. امك بتجيب معجنات وما بعودوا يخلصوا

١٢. المطعم يلي غلط معك من ٦ أشهر بقرر يبعتلك أكل ببلاش

١٣. بتبلش مسلسل جديد ما بيقطع بلا بشار وشيبس

١٤. بينقطع كل شي من السوق وما بيبقى إلا ايندومي والشوكولا و اكل جاهز (fast food )

١٥. أصحابك يلي بعمرهن ما بيلكشوك بيبعتولك cupcakes عالبيت