رسالة لطلاب الترمينال للي اخدوا افادة

تابعونا على واتساب

رسالة لطلاب الترمينال للي اخدوا افادة .

شيلكم عن المزح بموضوع الافادات للي اخدوها الطلاب و طالعين عالجامعة ..

اول شي

لازم تعرفوا انه حياتكم الدراسية هلأ بلشت.. مشوار طويل بس ما تخللوا أهلكم يقرروا شو تتخصصوا.. مشوار نهايته الفشل.. انتو اختاروا اختصاصكم و اقنعوهم انه هيدا الشي للي بتحبو لان الشغل بلا شغف فشل..

ثاني شي

طالعين عشي جديد كلياً بس رح تتعودوا عليه و ما يهمكم حدا قالكم خدتوا إفادة .. قولوا نحنا دفعة الثورة و الكورونا و الانهيار و نحنا الجيل للي رح نسعى لهالبلد يرجع..

بالحياة الجامعية كل شي بيتغير..

الاصحاب الرفقة و اذا رافقتوا اصحاب همهم الكافيتيريا و طق الحنك رح تاخدوا الشهادة ب ٦ سنين

و اذا رافقتوا اصحاب همهم الدرس رح تخلصوا ب ٣ سنين بس من دون علاقات اجتماعية.. كونوا بالنص.. مش كل مواد الجامعة محتاجة لحضور.. اختاروا صح المواد للي بدها تعب .. و تعبوا فيها.. يعني باختصار عطوا كل شغلة حقها .

طبيعي جداً باول سنة جامعية تفشلوا فيها.. او تسقطوا مواد..

لان طريقة تقديم امتحان جامعي غير عن المدرسة و كلشي بيفرق و شي جديد.. ما تقطعوا الامل و تقولوا نحنا مش ناجحين هون.. هيدا صار اسمه فشل.. اعرفوا وين اغلاطكم َ كفوا طالما فيه نية و شغف و حب للإختصاص .

و اخيراً حتعيشوا طلعات و نزلات.. الطلعة قدروها و النزلة تعلموا منها..

كل التوفيق الكم

كاتب: أحمد نشابة

Ads Here



About Mr Abdo 11016 Articles
عيسى عبدو هو أحد مؤسسي موقع سكوبات عالمية أو International Scopes. نوع الرجل الذي إذا أردت القيام بشيء، فهو حلك الوحيد! خريج جامعي إختصاص إدراة معلوماتية، وحالياً يعمل في مجال برمجة و تطوير المواقع و تطبيقات. لديه مهارات في التسويق و تطوير المواقع و برمجتها ، الحماية الاجهزة و شبكات ، البرمجة ، و كل ما يتعلق بمجال البرمجة و تطوير.

قم بكتابة اول تعليق

Leave a Reply

لن يتم نشر بريدك الالكتروني في اللعن


*