شنت الممثلة السورية تولين البكري هجوماً حاسماً على كل منتقدي ظهورها بوزن الزائد، وعبرت عن غضبها من التعليقات القاسية التي تتعرض لها من خلال منشور على موقع “فيسبوك”.
وبدأت الممثلة السورية منشورها بهاشتاغ “أعدقائي المتنمرين”، ومن ثم عبرت عن انزعاجها من بعض المتنمرين وتعليقاتهم القاسية وعلقت قائلة: “شكرا كبيرة لبعض النفوس المريضة اللي بتتنمر على شكلك بطريقة بشعة كتير وما بتعبر الا عن الشخص المتنمر وعالأغلب بيكون فيه 1000 عيب…
هدول لا بيكونوا أصدقاء لأنه الأصدقاء بينتقدوا بمحبة ولا بيكونوا أعداء…هدول بس (أعدقاء)، عبارة عن مساكين لأنهم بيحكوا من ورا شاشة لمجرد التسلية أو الجرح وبنفس الوقت يمكن يكونوا بيحلموا يلتقوا فيك شخصيآ”.
وأضافت: “بالنسبة لهالأشخاص تحديدا اللي عم يكتبو تعليقات بتنم عن تربيتهم بعبارات قاسية وجارحة عن زيادة وزني حابة قول الله لا يبليكم بنفس المرض اللي انا فيه لأنه ما بتمنى هالشي حتى لأعدائي… أنا وزني اللي عم يزيد بشكل ملحوظ هو بسبب مرض بالغدة وعم بتعالج من فترة طويلة مش بسبب الأكل.. لكن ما كنت بفضل أني قول هالشي للعلن بس بيكفي تجريح عيب”.
وتابعت: “وبالنسبة لعمليات التجميل اللي مصرين تلزقوها فيني بحب قلكم يا ريت اذا فيه دكتور شاطر يعملي فيلر ياريت دلوني عليه لأنه بكل أمانة صرلي أكتر من سنة ماعملت ولا شي بوجهي.. (وأنا تحديدآ) لما بعمل تجميل بصرح وعفكرة بعمل دعاية للدكتور وانا سعيدة لأنو متصالحة مع حالي وما عندي مشكلة بولا اشي طول ما انو هالشي ماعم يأذي الآخر”. وختمت البكري بهاشتاغ “ما في أمل.
يذكر أن الفنانة السورية تشارك في مسلسل “مقابلة مع السيد آدم”، وهو من إخراج وتأليف فادي سليم، وتؤدي فيه شخصية طبيبة في علم النفس تدعى “ريتا”.
المصدر: لها
قم بكتابة اول تعليق